Avropa Birliyi Şurasının sədri Şarl Mişel (Charles Michel) Gürcüstanda hakim və müxalif partiyalar arasında anlaşmanın əldə olunduğunu bildirib.
YALAN.info Onlayn Xəbərlər və İnformasiya Saytı bildirir ki, bununla bağlı Şarl Mişel öz “Twitter” səhifəsində paylaşım edib.
Ş.Mişelin sözlərinə görə, hər iki tərəf Brüsselin təklif etdiyi daxili siyasi böhranın çözüm planını qəbul edib.
Qeyd edək ki, bazar günü AB tərəfindən təklif olunmuş sazişə uyğun olaraq, hakim “Gürcü arzusu” partiyası payızda yerli hakimiyyət orqanlarına keçiriləcək seçkilərdə 43 %-dən az səs toplayarsa, o zaman 2022-ci ildə növbədənkənar parlament seçkiləri keçiriləcək. Anlaşmaya görə, bir sıra müxalifət nümayəndələri, o cümlədən Nika Meliya və Georgi Rurua əfv olunacaq.
Xatırladaq ki, Gürcüstanda ötən ilin noyabr ayından indiyədək siyasi böhran davam edir. Müxalifət hakimiyyəti saxtakarlıqda günahlandıraraq, parlament seçkilərinin nəticələrini tanımaqdan imtina edir.
Agreement in #Georgia
— Charles Michel (@eucopresident) April 19, 2021
Sakartvelos Gaumarjos!
Congratulations to political leaders on signing the deal out of the current crisis.
You put the people's interests first and let democracy prevail.
Thanks to President @Zourabichvili_S and all parties. pic.twitter.com/cBm4pRQwWr
