“Polis tərəfindən nümayişçilərə qarşı qeyri-mütənasib güc tətbiqi, eləcə də nümayişçilərin asayiş keşikçilərinə qarşı güc tətbiqi qəbuledilməzdir. İyunun 3-də baş vermiş zorakılıq hadisələri, o cümlədən xüsusi vasitələrin istifadəsi araşdırılmalıdır. Bir sıra hallarda bu, artıq həyata keçirilir”.
YALAN.info bildirir ki, bu sözlər Avropa Birliyinin (AB) İrəvandakı nümayəndəliyinin başçısı Andrea Viktorin Ermənistan müxalifətinə iyunun 3-də İrəvanda baş verənlərlə bağlı cavabında yer alıb.
Səfir Ermənistan Respublikasının Ədliyyə nazirinə narahatlığını bildirib və qeyd edib ki, Ombudsmanla daim əlaqə saxlayır. İstifadə olunan xüsusi vasitələrin növləri, istifadəsinə icazə verilən meyarlara uyğunluğu, habelə bu vəziyyətdə istifadənin zəruriliyi və qanunauyğunluğu ilə bağlı polisdən izahatlar istənilib.
Andrea Viktorin həmçinin nifrət və təxribat hərəkətlərindən çəkinməyin vacibliyini vurğulayıb və bütün tərəflərin öz tərəfdən hər hansı zorakılıqdan çəkinməsinin vacibliyini önə çəkib. Səfir əmin edir ki, Aİ Nümayəndəliyi hadisələri yaxından izləməyə davam edəcək.
