Amerika Birləşmiş Ştatları (ABŞ) rəsmiləri Pekin 2022 Qış Olimpiya Oyunlarında iştirak etməyəcək.
YALAN.info Onlayn Xəbərlər və İnformasiya Saytı bildirir ki, bunu Ağ Evin sözçüsü Cen Psaki (Jen Psaki) jurnalistlərə açıqlamasında deyib.
Onun sözlərinə görə, Çin Xalq Respublikasında insan haqları pozuntularını nəzərə alaraq, Bayden administrasiyası 2022-ci ildə keçiriləcək Pekin Qış Olimpiya və Paralimpiya Oyunlarına diplomatik və ya rəsmi nümayəndə heyəti göndərməyəcək.
O, diplomatik boykotun amerikalı idmançıların Olimpiadada iştirakına təsir etməyəcəyini vurğulayıb: “Biz evdən ABŞ komandasının idmançılarını yüz faiz dəstəkləyəcəyik”.
