ABŞ-ın Maliyyə Nazirliyi Ukraynadakı durumla əlaqədar Rusiya Prezidenti Vladimir Putin və Rusiyanın xarici işlər naziri Sergey Lavrova qarşı sanksiyalar tətbiq edib.
YALAN.info Onlayn Xəbərlər və İnformasiya Saytı bildirir ki, bununla bağlı Amerika Birləşmiş Ştatlarının Maliyyə Nazirliyinin bəyanatında deyilir.
“Bu gün ABŞ müttəfiqlərimiz və tərəfdaşlarımızla koordinasiyada Rusiyanın Ukraynaya əsassız, təxribatsız və qəsdən hücumuna Rusiya prezidenti Vladimir Putin və Rusiyanın xarici işlər naziri Sergey Lavrova qarşı sanksiyalar tətbiq etməklə güclü cavab verməyə davam etdi”, – ABŞ-ın Maliyyə Nazirliyinin məlumatında deyilir.
ABŞ Dövlət Departamenti isə Ukraynada baş verən hadisələrə görə Rusiyanın müdafiə naziri Sergey Şoyqu və Rusiya Silahlı Qüvvələrinin Baş Qərargah rəisi Valeri Gerasimova qarşı sanksiyalar tətbiq edib. Xəbəri ABŞ-ın Maliyyə Nazirliyi yayıb.
