Amerika Birləşmiş Ştatları Prezidenti Cozef Bayden (Joseph Biden) Nyu-Meksiko ştatında bir neçə müsəlmanın öldürülməsinə əsəbləşdiyini bildirib.
YALAN.info bildirir ki, Ağ Ev Administrasiyasının rəhbəri bununla bağlı Twitter sosial şəbəkəsindəki hesabında yazıb.
“Albukerkedə dörd müsəlman kişinin dəhşətli öldürülməsi məni əsəbləşdirir və üzür. Tam araşdırmanı gözlədiyimiz müddətdə dualarım ölənlərin ailələri ilədir və Administrasiyam müsəlman icmasının yanındadır”, – ABŞ lideri vurğulayıb. “Bu nifrətlə dolu hücumlara Amerikada yer yoxdur”, – Bayden əlavə edib.
Qeyd edək ki, hadisə Nyu-Meksiko ştatının Albukerke şəhərində baş verib. Hüquq-mühafizə orqanlarının əməkdaşları odlu silahdan açılan atəşlə öldürülmüş 3 müsəlmanın meyitini aşkarlayıblar. Bundan sonra müsəlman olduğu bildirilən və odlu silahla öldürülən dördüncü şəxsin də meyiti aşkarlanıb.
Şəhərinin səlahiyyətli şəxsləri qətllər arasında əlaqənin olduğunu vurğulayıblar. Albukerke Polis Departamentinin rəisi Harold Medina keçirdiyi mətbuat konfransında “Bu atışmalar narahatedicidir” – deyib. Polis Departamentinin yaydığı xəbərdə deyilir ki, Federal Təhqiqat Bürosu istintaqa yardım edir.
Nyu-Meksiko ştatının qubernatoru Mişel Lujan Qrişam da Twitter hesabında bildirib ki, o, qatil, ya da qatilləri ədalət mühakiməsinə təslim etmək üçün yerli, federal hakimiyyət orqanları ilə işləmək üçün şəhərə əlavə əyalət polisi göndərir və onlar tapılacaq.
I am angered and saddened by the horrific killings of four Muslim men in Albuquerque. While we await a full investigation, my prayers are with the victims’ families, and my Administration stands strongly with the Muslim community.
— President Biden (@POTUS) August 7, 2022
These hateful attacks have no place in America.
