Roza Zərgərli Maşın Realiti Şousunu Uddu və Maşını Götürmədi

Roza Zərgərli 18 gündür milyonları efirə kilidləyən, sosial şəbəkələrdə və mediada olayları, qalmaqalları, iştirakçıları ilə geniş rezonans doğuran “Maşın” realiti şousunun qalibi oldu.

Maşın Şou 16 FINAL – Xanimlar vs Cənablar 2 – 15.06.2018

YALAN.info Online Xəbərlər və İnformasiya Saytı bildirir ki, “Xanımlar və cənablar – 2” devizi ilə yayımlanan şounun qalibi müğənni Roza Zərgərli olub.

O, avtomobilin yanında Hüseyn Əzizoğluna psixoloji basqı edib. Hüseyn Rozanın basqılarına dözməyib və əlini avtomobildən çəkib.

Roza Zərgərli və Hüseyn Əzizoğlu arasında mübahisə

Daha sonra Roza ağlamağa başlayan Hüseyni sakitləşdirmək istəsə də, onun bu cəhdi baş tutmayıb. Belə ki, Hüseyn onu özündən uzaqlaşdırıb.

Maşın Şounun qalibi bəlli oldu – Finalçılar arasında mübahisə

Hüseyn canlı yayımda Rozanın sözünə qulaq asdığı üçün Abbas Bağırov və İlhamə Bədəlovadan üzr istəyib.

Avtomobili qazanan Roza Zərgərli isə Murad Dadaşovdan qaydaları pozmasını xahiş edib. O bildirib ki, avtomobili götürmək istəmir.

“Mən avtomobilin bütün iştirakçılar adından xeyriyyə məqsədilə istifadə edilməyini istəyirəm. Ona görə də, avtomobili götürmürəm”, – deyə Roza söyləyib.

Bunu eşidən Murad Dadaşov isə “Maşın” şounun heyəti və hüquqşünası ilə məsləhətləşdikdən sonra avtomobilin onlarda qala biləcəyini, yaxın günlərdə mediaya avtomobilin aqibəti barədə məlumat verəcəklərini bildirib.

Şou boyu sosial mediada yarışmaya qoyulan bir ton benzini isə ən çox – 109 min laykla Pərvin Abıyeva qazanıb.

Beləliklə, “Maşın”ın 16-cı sürəti indiyədək yayımlanmış proqramların ən yüksək reytinqi ilə televiziya tarixinə damğa vurub.

Qeyd edək ki, bu mövsüm yarışmada müğənnilər Rahidə Baxışova, Roza Zərgərli, Əli Mirəliyev, Abbas Bağırov, Ruhəngiz Musəvi, reperlər Uran, Qurd, aktrisa Pərvin Abıyeva, aparıcılar Azər Axşam, Fira Cəlilova,  İlhamə Bədəlova, Aytən Səfərova, Mətanət Əliverdiyeva, Günel Hümbətova, aktyorlar Cavidan Novruz, Məcid Hüseynov, meyxanaçı Ələkbər Yasamallı və vayner Hüseyn Əzizoğlu mübarizə aparırdı.

Buna Oxşar Xəbərlərdən:

YALAN.info

YALAN.info Online Xəbərlər və İnformasiya Saytı Azərbaycan, eləcə də Bütün Dünyanın Siyasi, İqtisadi, İdman, Mədəniyyət və Texnologiya Yeniliklərini Yayımlayır. Hər Zaman Ən Son Yalanlardan YALAN.info-da Xəbərdar Ol!

Bu Xəbərləri də Bəyənəcəksiniz

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir