Erməni terrorçularının işğal etdiyi bölgəni təmsil edən Qarabağ Futbol Klubunun baş məşqçisi Qurban Qurbanov Çempionlar Liqasında Çelsiyə 6-0 uduzmasından sonra mətbuat konfransı keçirib.

YALAN.info Online Xəbərlər və İnformasiya Saytının bildirdiyinə görə, britaniyalı jurnalistlərin suallarını cavablandıran mütəxəssis komandanın tarixi ilə bağlı da onlara məlumat verib.

– Çempionlar Liqasında və Azərbaycan Premyer Liqasında hədəfiniz nədir?

– Özümüzü Çempionlar Liqasında harada gördüyümüzü deyə bilmərəm. Qrup mərhələsində olmaq istəyirdik, bunu da bacardıq.

– 2008-ci ildən Qarabağın baş məşqçisisiniz. Klub həmin vaxt bu səviyyədə deyildi. Siz komandanı böyük uğura daşıdınız…

– Dəyərli suala görə çox sağ olun. Qarabağın Çempionlar Liqasının qrupunda iştirakı Azərbaycan futbolunda bir ilkdir. Kiçik futbol ölkəsiyik. Ölkə olaraq, futbolda indi-indi inkişaf etməyə başlayırıq. Çətin addımlarda mənim adım olduğu üçün şadam. Bizim üçün asan deyil. Bu cür turnirin qrup mərhələsinə düşməyimizə baxmayaraq, belə böyük hesablı məğlubiyyət mənə xoş deyil. Amma inkişaf etmək istəyiriksə, bu cür məğlubiyyətlərlə razılaşmalıyıq, belə halları gözümüzün qabağına gətirməliyik. Çəkinmədən, utanmadan, daha da çox çalışmalı və bundan da irəli getməyi düşünməliyik.

– Qarabağın Çempionlar Liqasında iştirakı sizin üçün nə deməkdir?

– Bu, bizim üçün böyük uğurdur. Çempionlar Liqasının qrupuna düşmək vəzifəsinin öhdəsindən gəldik və bu nailiyyət Azərbaycanda futbolu daha da sevdirdi, futbola maraq artdı.

– Qarabağ azarkeşlərinin çoxu bu gün klubun formalarını geyinməsələr də, Azərbaycan bayraqları ilə sizə dəstək oldular. Bu, üzərinizdə təzyiqi artırmışdı?

– Yəqin ki, bu komandanın tarixini bilirlər, Qarabağ adının mənasını dərk edirlər. Bizim yaralı yerimizdir. Qarabağ torpaqlarının çox hissəsi erməni daşnaklarının əlindədir, haqsız yerə əlimizdən alıblar. Azərbaycan bayrağını tribunalarda görmək üzərimdəki təzyiqi artırmır, əksinə, mənə güvən, inam verir, məsuliyyətim daha da çoxalır. Şadam ki, bu komandanın baş məşqçisiyəm. Nə qədər ağır olsa da, komandamın belə məğlubiyyətlə üzləşməsini istəməzdim. Biz azərbaycanlı kimi, Qarabağda işləməkdən fəxr duyuram və əlimdən gələnin artığını etməyə çalışıram.

Chelsea 6-0 Qarabag – Gurban Gurbanov Full Post Match Press Conference – Champions League

BİR CAVAB YAZ

Buyurun, açıqlamanızı yazın!
Buyurun, adınızı bura yazın