Çərşənbə axşamı Barak Obamanın xanımı Mişel Obama yazdığı memuarı ABŞ-da satışa çıxaracaq.

YALAN.info Online Xəbərlər və İnformasiya Saytı Life.ru dərgisinə qaynaqlanaraq bildirir ki, kitab “Quruluş” adlanır.

Mişel Obama öz kitabında ailə münasibətlərindən, uğura necə nail olmalarından yazıb. Həmçinin, Mişel Obama memuarda onu sevən və sevməyən insanlarla bağlı söylədikləri düşüncələrə də yer ayırıb.

O, həyat yoldaşı, keçmiş prezident Barak Obamanın ABŞ vətəndaşlığını şübhə altına aldığı üçün Trampı heç vaxt bağışlamayacağını yazıb.

Mişel Obama Barak Obamanın ABŞ-da deyil, Keniyada doğulması, buna görə də prezidentliyə iddia etməli olmaması ilə bağlı gəzən şayiələri dəstəklədiyinə görə Trampı bağışlamayacağını vurğulayıb.

Mişel Obama 20 il öncə uşaq itirdiyini, əri ilə münasibətlərini qaydaya salmaq üçün dəfələrlə psixoloji yardım aldığını yada salıb.

BİR CAVAB YAZ

Buyurun, açıqlamanızı yazın!
Buyurun, adınızı bura yazın