Dünən UEFA Millətlər Liqasının C Divizionunun 1-ci qrupu çərçivəsində keçirilən Kipr-Azərbaycan oyunu millimizin 1:0 hesablı qələbəsi ilə yekunlaşıb.
Görüşdə yeganə qolu kapitanımız Maksim Medvedev 29-cu dəqiqədə vurub. Bununla da millimiz Kiprlə ilk rəsmi görüşündən qalib ayrılıb. Bu həm də baş məşqçi Canni De Byazinin yığmamızla ilk qələbəsi olub.
Qrupun başqa qarşılaşmasında Lüksemburq Monteneqroya 0:1 uduzub. İndi komandamız üç xalla qrup üçüncüsüdür.
