Mərakeş Krallığının paytaxtı Rabatda İslam Əməkdaşlığı Qurumu Parlament Birliyi (İƏQ PB) Konfransının 14-cü sessiyasında Azərbaycanla bağlı iki qətnamə qəbul olunub.
Bununla bağlı YALAN.info Online Xəbərlər və İnformasiya Saytına açıqlamasında Azərbaycanın İƏQ PB-dəki nümayəndə heyətinin başçısı Gövhər Baxşəliyeva məlumat verib.
O, vurğulayıb ki, sessiyada “Xocalı Soyqırımı qurbanlarının xatirəsinin yad edilməsiylə bağlı” və “Ermənistan Respublikasının Azərbaycan Respublikasına təcavüz etməsiylə bağlı” qətnamə qəbul edilib.
G.Baxşəliyeva sonra sessiyada məruzə ilə çıxış etdiyini, Ermənistan-Azərbaycan münaqişəsi və onun bu günədək həllini tapmaması haqqında geniş məlumat verdiyini bildirib.
