Forbes jurnalı ilin ən çox qazanan müğənnilərinin reytinqini açıqlayıb: Beyons, Adel, Teylor Svift, Selin Dion və Cenifer Lopez.
YALAN.info Online Xəbərlər və İnformasiya Saytının bildirdiyinə görə, siyahıya amerikalı müğənni Beyons (Beyonce) başçılıq edir.
36 yaşlı ulduz müğənni bu il ərzində 105 milyon ABŞ dolları qazanıb. Bu məbləğə onun sonuncu “Lemonade” adlı albomunun satışından, həmsinin konsert turlarında əldə edilən gəlir daxildir. Bundan başqa müğənninin özəl geyim biznesi var.
29 yaşlı britaniyalı müğənni Adel 69 milyon dollar gəlirlə ikinci olub. Ötən il reytinqə liderlik edən amerikalı Teylor Svift (Taylor Swift) isə bu il üçüncü olub – 44 milyon dollar.
Kanadalı ifaçı Selin Dion (Céline Dion) 42 milyon dollar qazancla dördüncü, Cenifer Lopez (Jeniffer Lopez) isə 38 milyon dollarla beşinci yerdə qərarlaşıb.
