Erməni Silahlılarının 1-5 Aprel Tarixindəki Vəhşilikləri

Aprelin 1-dən 5-nə kimi Dağlıq Qarabağda erməni silahlı güvvələrinin yaşayış məntəqələrini atəşə tutması nəticəsində mülki əhalidən 1-i azyaşlı olmaqla 4 nəfər ölüb, 2-si azyaşlı olmaqla 18 nəfər yaralanıb.

Qeyd edək ki, bunlar bu günə kimi açıqlanan məlumatlardır.

Dinc əhalidən ölən və yaralananların siyahısını təqdim edirik:

Ölənlər:

  1. 2000-ci doğumlu Həsənli Turanə Kamandar qızı
  2. 1954-cü il doğumlu Dadaşov Qaraş Şahmar oğlu
  3. 1993-cü il doğumlu Rəhimov Orxan Valeh oğlu
  4. 1992-ci il doğumlu Əsədli Fərman Elçin oğlu

Yaralananlar:

  1. 1968-ci il doğumlu Cəfərov İlqar Hidayət oğlu
  2. 1989-cu il doğumlu Heydərov Rəşad Qulu oğlu
  3. 1968-ci il doğumlu Heydərov Fərhad Lənkəran oğlu
  4. 1974-cü il doğumlu Mustafayev Akif Musa oğlu
  5. 2000-ci il doğumlu Məhərrəmova Pakizə Fərman qızı
  6. 1984-cü il doğumlu Əliyeva Mehparə Nəbi qızı
  7. 1976-cı il doğumlu Ağayeva Kəmalə Əjdər qızı
  8. Rəhimov Cəlal Saday oğlu
  9. 1990-cı il doğumlu Əhmədov Ramin Rafiq oğlu
  10. 1987-ci il doğumlu Əliyev Sadiq Natiq oğlu
  11. 1982-ci il doğumlu Rəhimov Mübariz Vaqif oğlu
  12. 1953-cü il doğumlu Hüseynov Cümşüd İslam oğlu
  13. 1951-ci il doğumlu Vəliyev Vahid Vəli oğlu
  14. 2003-cü il doğumlu Sənan Vəlizadə
  15. 1938-ci il doğumlu İbrahimov Əbdüləzim Mürsəl oğlu
  16. 1974-cü il doğumlu Allahverdiyev Abbas Şiraslan oğlu
  17. Əhmədov İsa Əli oğlu
  18. Rəhimov Elvin

Bununla yanaşı, erməni silahlı güvvələrinin yaşayış məntəqələrinin atəşə tutulması nəticəsində yerli sakinlərdən 20-dən çox evi və kənd məktəbləri dağıdılıb.

Xəzər Hərbi Tədqiqatlar İnstitutunun sosial şəbəkələr üzərində apardığı araşdırmalara görə, aprelin 1-dən 4-ə kimi cəbhə xəttində baş verən toqquşmalarda Azərbaycan Silahlı Qüvvələrinin 29 hərbi qulluqçusu həlak olub. Yarananlardan 9-nun adı bilinir.

Həlak olanlardan 14-ü əsgər, 6-sı Müddətdən artıq Hərbi Xidmət Qulluqçusu, 1-i gizir, 8 nəfəri isə zabitdir.

Həlak olanlar:

  1. Baş leytenant Bəkir İsmayılov, (Mi-24 vertolyotunun ekipajı), Kürdəmir rayonundan hərbi xidmətə çağırılıb.
  2. Mayor Vəlizadə Urfan Uzeyir oğlu (Mi-24 vertolyotunun ekipajı), 1978-ci il doğumlu. Türkiyənin Hava Harp Okulu Məzunu.
  3. Mayor Musazadə Təbriz Tariyel oğlu (Mi-24 vertolyotunun ekipajı). 1981-ci il doğumlu.
  4. Əsgər Rəvan İsmayıl oğlu Nurayev. 1997-ci il doğumlu Rəvan Nurayev ailənin tək oğlu idi. 2015-ci ilin aprel ayında Zaqatala rayonundan həqiqi hərbi xidmətə çağırılıb.
  5. MAHXQ Ruhin Qəhrəmanov. Cəbrayıl rayonundan hərbi xidmətə çağırılıb.
  6. Əsgər Samir İzayəddin oğlu Kaçayev, 2015-ci ilin iyulunda Şamaxı rayonundan hərbi xidmətə çağırılıb. 1994-cü il doğumlu.
  7. Əsgər Mehrəliyev Sarvan Natiq oğlu. Əslən Xocalıdan olan, 1997-ci il doğumlu S.Mehralıyev Ağdam rayonunun Ballar kəndində torpağa tapşırılıb.
  8. Əsgər Əliyev Orxan Məhəmməd oğlu, 1996-cı il doğumlu. Qazax rayonundan (Aslanbəyli kəndi) hərbi xidmətə çağırılıb.
  9. Mayor Əliyev Elnur Adil oğlu. Hərbi hissənin nizami hissə rəisi mayor Əliyev Cəbrayıl rayonunun işğal altındakı Lələtəpə yüksəkliyi istiqamətində gedən döyüşlərdə qəhrəmancasına şəhid olub. E.Əliyev Füzuli rayonunun Dədəli kəndində dəfn olunub. Ailəlidir, iki oğlu var.
  10. MAHXQ İsgəndərov Nicat Bəhruz oğlu, 27 yaşlı (1989-cu il doğumlu) Nicat İsgəndərov Tərtər rayonundan hərbi xidmətə çağırılıb. Evin tək oğlu olub.
  11. Gizir Səfərov Elmdar Səlimxan oğlu. 1992-ci ildə Neftçala rayonunun Aşağı Qaramanlı kəndində anadan olub. Tərtər istiqamətində şəhid olub.
  12. Baş leytenant Namazov Elvin Məmməd oğlu. Qazax rayonu Yuxarı Salahlı kəndində doğulub.
  13. Əsgər Novruzov Ravil Elman oğlu. Tərtər istiqamətində şəhid olub. 1986-cı ildə Xızı rayonu, Giləzi qəsəbəsində anadan olub.
  14. Əsgər Muradov Rizvan Telman oğlu. Sabirabad rayonu, Çiçəkli kəndində anadan olub. 1996-cı il doğumlu.
  15. Zabit Həmidov Orxan Ənvər oğlu. Füzuli rayonu Əhmədalılar kəndindən hərbi xidmətə çağırılıb.
  16. MAHXQ Qarayev Dilsuz. Ağcabədi rayonu, Hindarx kənd sakini, kəşfiyyatçı. Tərtərdə gedən döyüşlər zamanı şəhid olub.
  17. Əsgər Novruzov Fərahim Nadir oğlu (20 yaş). Biləsuvar rayonu, Səmədabad kəndindən. Aprelin 3-dən 4-nə keçən gecə Füzulidə gedən döyüşlərdə şəhid olub.
  18. Əsgər Bağırov Sərxan Azər oğlu. Aprelin 2-nə keçən gecə cəbhədə şiddətli döyüşlərdə şəhid olub. Göygöl rayonu, Almədədli kəndində dəfn olunub.
  19. Əsgər Mirzəyev Nürəddin Etimad oğlu. Aprelin 2-dən 3-nə keçən gecə cəbhə bölgəsində baş vermiş döyüşlərdə şəhid olub. 1996-cı il doğumlu. Yardımlı rayonunun Honuba kəndində dəfn edilib.
  20. Mayor Məmmədov Rasim Əbdül oğlu. Tankçı. Cəbhənin Füzuli istiqamətindəki döyüşlərdə həyatını itirib. Azərbaycan Demokrat Partiyasının sədri Sərdar Cəlaloğlunun qardaşı oğludur.
  21. Polkovnik Orucov Raqub Cahangir oğlu. Tərtər istiqamətində gedən döyüşlərdə şəhid olub. 1968-ci il doğumlu.
  22. MAHXQ Əlvan Hüseynov. Füzuli rayonundan hərbi xidmətə çağırılıb. Aprelin 3-də cəbhənin Füzuli istiqamətindəki döyüşlərdə şəhid olub.
  23. Əsgər Bayramov Sərxan Oqtay oğlu. Zaqatala rayonu, Qala Düzü sakini. Tərtər istiqamətində gedən döyüşlərdə şəhid olub.
  24. Əsgər Orucov Müşfiq Arif oğlu. Zəngilan rayon sakini. Naftalandan hərbi xidmətə çağırılmış M.Orucov aprelin 4-də Tərtər istiqamətində gedən döyüşlər zamanı şəhid olub.
  25. Əsgər Dəmirov Orxan Zeynal oğlu. Biləsuvar rayonundan hərbi xidmətə çağırılıb. Tankçı.
  26. MAHXQ Hümmətov Orxan, Şəki rayonu Kiş kəndindən.
  27. Əsgər Qasımov Teymur Mikayıl oğlu, 1997-ci il doğumlu. Göyçay rayon, Çaxırlı kənd sakini. Tərtər istiqamətində gedən döyüşlər zamanı şəhid olub.
  28. Əsgər Müstəcəbov Orxan. Qobustan rayonu, Bədəlli kənd sakini.
  29. MAHXQ Qaibov Elvin Sədrəddin oğlu. 27 yaş. Füzuli ətrafında gedən döyüşlərdə şəhid olub. Xaşmaz rayonunun Əbilyataq kəndində anadan olub.

Yaralananlar:

  1. Əsgər Orxan Cavadov, Tərtərdə erməni tərəfinin gülləsi nəticəsində yaralanıb.
  2. Baş leytenant Azər Məmmədov, Tərtərdə erməni tərəfinin gülləsi nəticəsində yaralanıb.
  3. Əsgər Qəhrəman Qəhrəmanov çox saylı qəlpə yaraları alıb.
  4. Əsgər Allahverdiyev Pərvin Vahid oğlu. Erməni gülləsinə tuş gələn əsgər hal-hazırda hərbi hospitaldadır. Vəziyyəti ağırdır.
  5. Üzeyir adlı əsgər. Tərtər istiqamətində gedən döyüşlərdə yaralanıb.
  6. Aydın adlı əsgər. Salyan rayonu Qaraqaşlı kəndindən.
  7. Əsgər Quliyev Mansur. Seysulan kəndi uğrunda döyüşlərdə güllə yarası alıb. Masallı rayonundan hərbi xidmətə çağırılıb. Memarlıq ve İnşaat universitetinin məzunudur.
  8. MAHXQ Qardaşxan Adıgözəlov. Goranboydan hərbi xidmətə çağırılıb.
  9. Əsgər Məmmədov Elçin Ataxan oğlu. 19 yaşlı. Tərtər istiqamətində düşmənlə döyüş zamanı sağ qolundan qəlpə yarası alıb.

YALAN.info

YALAN.info Online Xəbərlər və İnformasiya Saytı Azərbaycan, eləcə də Bütün Dünyanın Siyasi, İqtisadi, İdman, Mədəniyyət və Texnologiya Yeniliklərini Yayımlayır. Hər Zaman Ən Son Yalanlardan YALAN.info-da Xəbərdar Ol!

Bu Xəbərləri də Bəyənəcəksiniz

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir