Emin Ağalarovun Bakıda çəkdirdiyi yeni klipi Youtube-da

Rusiyada yaşayan tanınmış müğənni və iş adamı Emin Ağalarov Bakı şəhərində çəkdiyi yeni klipini özünün Youtube kanalında təqdim edib. Bəstəkar və müğənni paytaxtın rəmzi yerlərindən biri hesab olunan İçərişəhərdə və Xəzər dənizinin sahilində “Ryadom Prosnutsya” (Yanında Oyanmaq) adlı mahnısına olan klipi Bakıda çəkdirib.

Emin klipin süjet xəttində pizza daşıyan “Vespa” markalı motosikleti oğurlayaraq tanış olduğu xanım ilə qaçan adamı canlandırır.

“Mahnı mənim hazırkı daxili dünyamı əks etdirir. Bəzi məqamları nəzərə almasaq, pozitiv emosiyalar əks olunub. Mən də ekran işində bu pozitivliyi görmək istəyirdim. Klip düşündüyümüz kimi – real, pozitiv və çox gözəl alındı. Əsas mövzunun klassik kişi və qadın tanışlığı olmasına baxmayaraq, rejissor onu adi göstərməməyə çalışıb. Çox vaxt çəkilişlər mənim üçün çətin olur. Bu dəfə isə hər şey bir dəfəyə edildi. Klipə çəkilməkdən xoşum gəldi. Çünki heç bir rola girmək məcburiyyətində qalmadım. Özüm oldum və hər şeydən zövq aldım. Kristinaya təşəkkür edirəm, rolunun öhdəsindən uğurla gəldi. Biz onunla ilk dəfə çəkiliş meydançasında görüşdük. Buna baxmayaraq, hər şey təbii alındı”.


EMIN – Рядом проснуться – ПРЕМЬЕРА КЛИПА!

Bir müddət əvvəl müğənni çəkiliş zamanı ANS PRESS-in suallarını da cavablandırmışdı

“Çox şadam ki, bu gün Bakıdayam və burada çəkiliş gedir. Məncə, bu, rəngli, günəşli, isti, nəşəli və haradasa Bakı klipi kimi olacaq”. Müğənni klipdə motosiklet olmasını belə izah edib: “Mən ümumiyyətlə təkərlə gedən nə varsa, sevirəm. Mənim motosikletlərə böyük həvəsim var. Sürətdən çox xoşum gəlir. “Vespa” markalı motosiklet ilə adətən pizza daşıyırlar. Onun üçün də klipdə “Vespa”nın olmasını məsləhət gördük”. İfaçı həmçinin qeyd edib ki, onun “Vespa” motosikletlərindən ibarət kolleksiyası var və bu, çox rahat motosikletdir.

 

Buna Oxşar Xəbərlərdən:

YALAN.info

YALAN.info Online Xəbərlər və İnformasiya Saytı Azərbaycan, eləcə də Bütün Dünyanın Siyasi, İqtisadi, İdman, Mədəniyyət və Texnologiya Yeniliklərini Yayımlayır. Hər Zaman Ən Son Yalanlardan YALAN.info-da Xəbərdar Ol!

Bu xəbəri də oxuyun

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir