Azərbaycan Milli Məclisinin deputatları “ağlabatan” sözünə qarşı çıxdılar

Azərbaycan Milli Məclisinin Əmək və sosial siyasət komitəsinin bu gün keçirilən toplantısında deputatlar yeni hazırlanan “Əlilliyi olan şəxslərin hüquqları haqqında” qanun layihəsindəki “ağlabatan” söz birləşməsinə qarşı çıxıblar.

YALAN.info Online Xəbərlər və İnformasiya Saytı bildirir ki, deputat Rafiq Məmmədhəsənov deyib ki, bu sözü başqası ilə dəyişmək gərəkdir: “Ağlabatan, ağlabatmayan… Bu, nə deməkdir, bunun qanuna nə dəxli var? Sadəcə, tərcümə edilib, bura yazılıb…Bu, düzgün deyil”.

Deputat Aytən Mustafayeva da bu söz birləşməsinə qarşı çıxıb: “Biz başa düşmürüksə, əlillər, sadə insanlar onu necə başa düşsünlər? Biz qanunları onlar üçün yazırıqsa, qəbul ediriksə, o zaman elə yazmalıyıq ki, hər kəs başa düşə bilsin. Ancaq bunun əksini görürük”.

Komitə sədri Hadi Rəcəbli deyib ki, bu məsələ zamanla həllini tapacaq: “Bu gün Azərbaycan dilinin leksikonuna salınmayan elə sözlər var ki, onları başqa cür deməyə çətinlik çəkirik. “Tormoz” sözünü “Əyləc” sözü ilə necə dəyişdiksə, zamanla bunları da dəyişəcəyik”.

Vurğulayaq ki, “Əlilliyi olan şəxslərin hüquqları haqqında” Azərbaycan Respublikasının qanununda 6 yerdə “ağlabatan” söz birləşməsi işlədilmişdir.

Buna Oxşar Xəbərlərdən:

YALAN.info

YALAN.info Online Xəbərlər və İnformasiya Saytı Azərbaycan, eləcə də Bütün Dünyanın Siyasi, İqtisadi, İdman, Mədəniyyət və Texnologiya Yeniliklərini Yayımlayır. Hər Zaman Ən Son Yalanlardan YALAN.info-da Xəbərdar Ol!

Bu Xəbərləri də Bəyənəcəksiniz

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir