Adel Yüz Milyonluq Var-Dövləti ilə İngiltərənin Ən Varlı Gənci seçildi

İngiltərəli gənc müğənni Adel (Adele) bir ildir musiqi çalışmalarına ara versə də, var-dövlətinin dəyərini artırmağa davam edib.

YALAN.info Online Xəbərlər və İnformasiya Saytı bildirir ki, müğənni üçüncü dəfə 30-dan az yaşı olan varlılar siyahısında yer alıb.

Adel sərvətini 132 milyon sterliqdən 147,5 milyon sterlinqə qədər artararaq İngiltərənin “Heat” dərgisinin yayımladığı varlılar siyahısında birinci yeri tutub.

Müğənni ötən il albom satışından 9 milyon sterlinq, konsert turnesindən isə 42 milyon sterlinq qazanmışdı.

İngiltərənin başqa tanınmış ifaçısı 27 yaşlı Ed Şeran isə 94 milyon sterlinq sərvəti ilə ikinci pillədə qərarlaşıb.

“Herri Poter” ləqəbli aktyor Deniel Redklayf 87 milyon sterlinq dəyərindəki mal-dövləti ilə üçüncü sırada yerləşib.

58 milyon sterlinq var-dövlətin sahibi “One direction” qrupunun solisti Herri Stayles isə ən varlı dördüncü şəxs seçilib.

Dünyaca məşhur aktrisa Emma Vatson isə 55 milyon sterlinq sərvəti ilə beşinci yerin sahibidir.

26 yaşlı aktrisa və model Kara Delevayn 18 milyon sterlinq var-dövləti ilə 14-cü , “Taxt oyunları” serialında “Sansa Stark” obrazını canlandıran Sofi Törner 6 milyon sterlinq sərvəti ilə İngiltərənin 23-cü varlısı seçilib.

Buna Oxşar Xəbərlərdən:

YALAN.info

YALAN.info Online Xəbərlər və İnformasiya Saytı Azərbaycan, eləcə də Bütün Dünyanın Siyasi, İqtisadi, İdman, Mədəniyyət və Texnologiya Yeniliklərini Yayımlayır. Hər Zaman Ən Son Yalanlardan YALAN.info-da Xəbərdar Ol!

Bu Xəbərləri də Bəyənəcəksiniz

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir